Barbantia

A Asociación Cultural Barbantia, a Deputación da Coruña e o Concello de Boiro convídante ao encontro intelectual entre Xosé Luís Méndez Ferrín, escritor e presidente da Real Academia Galega, e Juan José Moralejo Álvarez, profesor e catedrático de grego na USC, que, baixo o título “Á luz das palabras”, se celebrará na Casa da Cultura “Ramón Martínez López” de Boiro o sábado 26 de marzo, ás 12:00 horas.

Guión do encontro:

1. O “mundo clásico” na poesía de Ferrín.
2. Gallaecia e as súas etimoloxías.

Xa podedes consultar o contido íntegro dos Anuarios na sección “publicacións”

Homenaxe a Xosé Agrelo Hermo

Casa da Cultura de Noia e Coliseo Noela
Do 19 ao 26 de marzo de 2011

Sábado 19
19 horas

Xosé Agrelo Hermo: Vida e obra
Xoán Pastor Rodríguez
Filólogo

O Triángulo escaleno
Euloxio R. Ruibal
Real Academia Galega
Alfonso Costa
Pintor

Luns 21
20:30 horas

A Execución do Cantino en Boisaca
Xerardo Agrafoxo
Historiador

Os sartegos dos cabaleiros en Santa María a Nova
Xepe Torres
Arqueólogo

Martes 22
20:30 horas

Noia etnográfica e arqueolóxica.
Memorial do esforzo incesante
Ana Filgueira Rei
Arqueóloga

Mércores 23
20:30 horas

O Patrimonio Histórico Artístico de Outes
Xoán maríño
Investigador

A pesca da lamprea no río Tambre
Clodio González
Museo Pobo Galego
Manuel Ces Canle
Investigador

Xoves 24
20:30 horas

Os gremios e os clérigos da morte
Xoán Manuel Neira Pérez
Teólogo

Venres 25
20:30 horas

Un “noiés” na fosa do Acevo
Carme García Rodeja
Asociación Recuperación Memoria Histórica (ARMH)

MESA REDONDA
A memoria da terra. As fosas do franquismo

Sábado 26
21 horas
Coliseo Noela

DESCUBERTA DA PLACA CONMEMORATIVA
SALA “XOSÉ AGRELO HERMO”

TEATRO
O triángulo escaleno, de Xosé Agrelo
Grupo de Teatro Mutis

Curso homologado pola Consellería de Educación.

Organizan: Asociación Cultural Barbantia e Concello de Noia.
Colaboran: Noia Histórica. Centro Comercial Aberto e Deputación da Coruña.

A Asociación Cultural Barbantia, a librería Ler da Pobra do Caramiñal e a Editorial Galaxia convídante á presentación de Memoria de cidades sen luz, de Inma López Silva, nun acto que terá lugar na librería Ler da Pobra o venres 4 de marzo, ás 20:30 horas, e no que estarán presentes a autora; a directiva de Barbantia María Xesús Blanco; o coordinador da asociación, Alberto Piñeiro; e mais o presidente, Xesús Laíño.

A Asociación Cultural Barbantia, La Voz de Galicia, Editorial Galaxia e o Concello de Noia convídante á saída dun novo número do suplemento cultural A Voz de Barbantia, así como á presentación da novela Cabalo de ouros, de Víctor F. Freixanes.
O acto terá lugar na Casa da Cultura “Avilés de Taramancos” de Noia, o venres 25 de febreiro, ás 20:30 h; e nel estarán presentes, amais do autor, os socios de Barbantia Antón Riveiro Coello, Xerardo AgraFoxo, Encarna Pego e Isabel Santos; e o alcalde de Noia, Rafael G. Guerrero.

A Asociación Cultural Barbantia, La Voz de Galicia, a Deputación da Coruña e o Concello de Porto do Son convidan á presentación do Anuario de Estudos do Barbanza 2010, así como á entrega dos Premios Barbantia da Cultura, actos que terán lugar na Casa da Cultura de Porto do Son, o venres 3 de decembro, ás 20:30 horas, e nos que estarán presentes os socios de Barbantia Manuel Cartea e Xesús Laíño; o concelleiro de cultura, Ramón Quintáns; o alcalde de Porto do Son, Xoán Pastor Santamaría; e mais a responsable da área de cultura da Deputación da Coruña, Caridad González. A entrada é libre e gratuíta para socios e non socios.

Velaquí os premiados cos sirenos de bronce:

PREMIO BARBANTIA 2010 Á TRAXECTORIA CULTURAL NO BARBANZA:
Pepe Romero (músico e gaiteiro).

PREMIO BARBANTIA 2010 Á INICIATIVA CULTURAL NO BARBANZA:
Coordinadora dos Equipos de Normalización Lingüística.

PREMIO BARBANTIA DA CULTURA GALEGA 2010:
Andrés Torres Queiruga (teólogo).

A Asociación Cultural Barbantia, La Voz de Galicia, o Concello de Rianxo e Dos Acordes Ediciones convídanos á saída dun novo número do suplemento cultural A Voz de Barbantia, así como á presentación de Ayes de mi país. O cancioneiro de Marcial Valladares, de José Luís do Pico Orjais e Isabel Rei Sanmartim, nun acto que terá lugar o venres 29 de outubro, ás 20:30 horas, no auditorio de Rianxo; e no que estarán presentes os coordinadores, así como o editor, Javier Jurado; o secretario de Barbantia, Xosé Ricardo Losada; e mais a concelleira de cultura de Rianxo, Mari Carme Figueira.

La Voz de Galicia, a Editorial Galaxia e a galería Sargadelos de Boiro, convídan a socios/as e público en xeral á presentación do libro Un longo e tortuoso camiño. Adaptación, crise e cambio no BNG 1971-2009, de Xosé Ramón Quintana, nun acto que terá lugar na galería Sargadelos de Boiro o venres 1 de outubro, ás 20:30 horas, e no que estarán presente o autor; Xan Hermida, profesor do IES Número 1 de Ribeira; Dores Torrado, responsable comarcal do BNG; Jesús Lojo Alcalde, director da Galería Sargadelos no Barbanza; e Alberto Piñeiro, coordinador de Barbantia.

A Asociación Cultural Barbantia, La Voz de Galicia, tresCtres Editores e o Concello de Boiro vístense de gala con motivo da saída do especial A Voz de Barbantia, cunha edición conxunta dos números 26 ao 50 do suplemento cultural, así como á presentación do libro Dicionario Uxío Novoneyra, de Esperanza Mariño Davila, nun acto que terá lugar o venres 25 de xuño, ás 19:30 horas, na Casa da Cultura “Ramón Martínez López” de Boiro, e no que estarán presentes Esperanza Mariño, Amancio Liñares, director de tresCtres Editores; Antón Riveiro Coello, presidente de Barbantia; Moncho Ares, delegado no Barbanza de La Voz de Galicia; e Xosé Deira, alcalde de Boiro.

Entrada libre.

A Asociación Cultural Barbantia convidan á presentación do libro As novelas da memoria, do profesor da Universidade de Montana (EE.UU) John Thompson, nun acto que terá lugar o martes 15 de xuño, ás 21:00 horas, no Centro Social de Boiro, e no que estarán presentes, ademais do autor, Xan Ermida, profesor do IES Número 1 de de Ribeira; Carlos Callón, presidente da Mesa Pola Normalización Lingüística; Alberto Piñeiro, coordinador de Barbantia; e mais Xosé Deira, alcalde de Boiro.