Barbantia

Xa podedes consultar o contido íntegro dos Anuarios na sección “publicacións”

A Asociación Cultural Barbantia, La Voz de Galicia, a Deputación da Coruña e o Concello de Porto do Son convidan á presentación do Anuario de Estudos do Barbanza 2010, así como á entrega dos Premios Barbantia da Cultura, actos que terán lugar na Casa da Cultura de Porto do Son, o venres 3 de decembro, ás 20:30 horas, e nos que estarán presentes os socios de Barbantia Manuel Cartea e Xesús Laíño; o concelleiro de cultura, Ramón Quintáns; o alcalde de Porto do Son, Xoán Pastor Santamaría; e mais a responsable da área de cultura da Deputación da Coruña, Caridad González. A entrada é libre e gratuíta para socios e non socios.

Velaquí os premiados cos sirenos de bronce:

PREMIO BARBANTIA 2010 Á TRAXECTORIA CULTURAL NO BARBANZA:
Pepe Romero (músico e gaiteiro).

PREMIO BARBANTIA 2010 Á INICIATIVA CULTURAL NO BARBANZA:
Coordinadora dos Equipos de Normalización Lingüística.

PREMIO BARBANTIA DA CULTURA GALEGA 2010:
Andrés Torres Queiruga (teólogo).

A Asociación Cultural Barbantia, La Voz de Galicia, o Concello de Rianxo e Dos Acordes Ediciones convídanos á saída dun novo número do suplemento cultural A Voz de Barbantia, así como á presentación de Ayes de mi país. O cancioneiro de Marcial Valladares, de José Luís do Pico Orjais e Isabel Rei Sanmartim, nun acto que terá lugar o venres 29 de outubro, ás 20:30 horas, no auditorio de Rianxo; e no que estarán presentes os coordinadores, así como o editor, Javier Jurado; o secretario de Barbantia, Xosé Ricardo Losada; e mais a concelleira de cultura de Rianxo, Mari Carme Figueira.

La Voz de Galicia, a Editorial Galaxia e a galería Sargadelos de Boiro, convídan a socios/as e público en xeral á presentación do libro Un longo e tortuoso camiño. Adaptación, crise e cambio no BNG 1971-2009, de Xosé Ramón Quintana, nun acto que terá lugar na galería Sargadelos de Boiro o venres 1 de outubro, ás 20:30 horas, e no que estarán presente o autor; Xan Hermida, profesor do IES Número 1 de Ribeira; Dores Torrado, responsable comarcal do BNG; Jesús Lojo Alcalde, director da Galería Sargadelos no Barbanza; e Alberto Piñeiro, coordinador de Barbantia.

A Asociación Cultural Barbantia, La Voz de Galicia, tresCtres Editores e o Concello de Boiro vístense de gala con motivo da saída do especial A Voz de Barbantia, cunha edición conxunta dos números 26 ao 50 do suplemento cultural, así como á presentación do libro Dicionario Uxío Novoneyra, de Esperanza Mariño Davila, nun acto que terá lugar o venres 25 de xuño, ás 19:30 horas, na Casa da Cultura “Ramón Martínez López” de Boiro, e no que estarán presentes Esperanza Mariño, Amancio Liñares, director de tresCtres Editores; Antón Riveiro Coello, presidente de Barbantia; Moncho Ares, delegado no Barbanza de La Voz de Galicia; e Xosé Deira, alcalde de Boiro.

Entrada libre.

A Asociación Cultural Barbantia convidan á presentación do libro As novelas da memoria, do profesor da Universidade de Montana (EE.UU) John Thompson, nun acto que terá lugar o martes 15 de xuño, ás 21:00 horas, no Centro Social de Boiro, e no que estarán presentes, ademais do autor, Xan Ermida, profesor do IES Número 1 de de Ribeira; Carlos Callón, presidente da Mesa Pola Normalización Lingüística; Alberto Piñeiro, coordinador de Barbantia; e mais Xosé Deira, alcalde de Boiro.

A Asociación Cultural Barbantia, La Voz de Galicia e a Editorial Galaxia convídan á saída dun novo número do suplemento cultural A Voz de Barbantia, así como á presentación do último libro do profesor de Historia Contemporánea da USC Xavier Castro, titulado A rosa do viño. Cultura do viño en Galicia, nun acto que terá lugar o vindeiro venres 30 de abril, na Abadía de San Enrique (O Castro, Cabo da Cruz, Boiro, a carón da Igrexa de Santa María), ás 20:30 horas, e no que estarán presentes o autor; o vicepresidente da Asociación Galega da Viticultura, Xosé Manuel González Vilas; o xornalista e socio de Barbantia, Gonzalo Trasbach; e o director de produción de Galaxia, Xosé Manuel Soutullo.

Entrada libre.
Ao final do acto serviranse uns petiscos e un viño galego.

A Asociación Cultural Barbantia, a Editorial Toxosoutos, o Proxecto Leñaverde e La Voz de Galicia convidan a asisitir aos socios/as e público en xeral á saída dun novo número do suplemento cultural A Voz de Barbantia, así como á presentación do libro O fenómeno cultural da fascinoloxía. As Illas Británicas e Galiza, de Milagros Torrado. O acto terá lugar na Estación Leñaverde de Boiro, o vindeiro venres 26 de marzo, ás 20:30 horas; e nel estarán presentes a autora; o catedrático de Historia e Cultura Inglesas da Facultade de Filoloxía da USC, Fernando Alonso Romero; o director de publicacións de Toxosoutos, David González; o coordinador de Barbantia, Alberto Piñeiro; e mais o alcalde de Boiro, Xosé Deira.

A Asociación Cultural Barbantia, o xornal La Voz de Galicia, o Concello de Rianxo e Edicións Xerais convídan á saída do número 51 do suplemento A Voz de Barbantia, así como á presentación do libro Sete palabras do escritor compostelán Suso de Toro. O acto terá lugar no Auditorio de Rianxo o venres 29 de xaneiro ás 20:30 horas, e estarán presentes o autor; o secretario de Barbantia, Xosé Ricardo Losada; o recentemente escolleito secretario da Real Academia, investigador e Premio Barbantia da Cultura Galega 2009, Xosé Luís Axeitos; o director de Xerais, Manuel Bragado; e mais o alcalde de Rianxo, Pedro Piñeiro.

PROGRAMACIÓN DE ACTOS

Venres 6 de novembro

Museo Valle-Inclán d´A Pobra do Caramiñal:

-20:30 horas. Inauguración das xornadas, coa presenza de Antón Riveiro Coello, presidente de Barbantia; Isaac Maceiras Rivas, alcalde d´A Pobra do Caramiñal; e Carlos Fernández, escritor e crítico literario.

-21:00 horas. Conferencia de Carlos Fernández, baixo o título “O home que disparaba contra os reloxios.”

-21:30 horas. Café-descanso de 10 minutos.

-20:40 horas. Presentación do ensaio Urda e Mundo, de Carlos Fernández e Anxo Rei Ballesteros, XXI Premio Ánxel Fole, Fundación Caixa Galicia.

Venres 13 de novembro

Museo Valle-Inclán d´A Pobra do Caramiñal:

-20:00 horas. Conferencia de Dolores Vilavedra, escritora e profesora de Literatura Galega na USC, que nos ofrecerá “Apuntes para unha contextualización de Dos anxos e dos mortos na narrativa galega contemporánea”.

-20:30 horas. Presentación da novela inédita de Anxo Rei Ballesteros A noite do moucho, coa presenza de Víctor Freixanes, director da Editorial Galaxia.

-21:00 horas. Café-descanso de 10 minutos.

-21:10 horas. Presentación do libro artesán titulado O resto é silencio, con gravados orixinais de Manuel Teira, editado por Barbantia e mais Colección Bourel que dirixe Antonio Piñeiro.

Casa de Raquel Soler d´A Pobra do Caramiñal:

-21:30 horas. Inauguración da exposición dos gravados realizados por Manuel Teira para o libro O resto é silencio.

Venres 20 de novembro

Museo Valle-Inclán d´A Pobra do Caramiñal:

-20:30 horas. Intervención de Manuel Lourenzo, actor, dramaturgo, director teatral e tradutor galego, coa conferencia Teatro como exploración.

-21:00 horas. Proxección dun documental sobre Anxo Rei Ballesteros realizado polos alumnos do IES d´A Pobra do Caramiñal.

-21:35 horas. Café-descanso de 10 minutos.

-21:45 horas. Mesa-coloquio ao redor da obra e da vida do noso amigo escritor moderada por Xesús Laíño, e na que participarán Carlos Santiago, Manolo Castelao, Jorge Sacido, Alberto Sacido, Manuel Teira e Andrés Esteban.

Venres 27 de novembro

Museo Valle-Inclán d´A Pobra do Caramiñal:

-20:30 horas. Presentación do V Anuario de Estudos do Barbanza (Anuario 2009), que será nesta ocasión un monográfico adicado ao noso amigo, escritor e socio co-fundador de Barbantia, Anxo Rei Ballesteros; coa presenza dos coordinadores do volume: Manuel Cartea e Román Arén.

-21:00 horas. Presentación do texto de Anxo Rei A flor da boca, editado por Barbantia e mais a Deputación Provincial d´A Coruña.

-21:30 horas. Entrega dos Premios Barbantia da Cultura 2009, acto que dirixirá e presentará Alberto Piñeiro, coordinador de Barbantia.