Barbantia

A Asociación Cultural Barbantia, o xornal La Voz de Galicia, o Concello de Rianxo e Edicións Xerais convídan á saída do número 51 do suplemento A Voz de Barbantia, así como á presentación do libro Sete palabras do escritor compostelán Suso de Toro. O acto terá lugar no Auditorio de Rianxo o venres 29 de xaneiro ás 20:30 horas, e estarán presentes o autor; o secretario de Barbantia, Xosé Ricardo Losada; o recentemente escolleito secretario da Real Academia, investigador e Premio Barbantia da Cultura Galega 2009, Xosé Luís Axeitos; o director de Xerais, Manuel Bragado; e mais o alcalde de Rianxo, Pedro Piñeiro.

PROGRAMACIÓN DE ACTOS

Venres 6 de novembro

Museo Valle-Inclán d´A Pobra do Caramiñal:

-20:30 horas. Inauguración das xornadas, coa presenza de Antón Riveiro Coello, presidente de Barbantia; Isaac Maceiras Rivas, alcalde d´A Pobra do Caramiñal; e Carlos Fernández, escritor e crítico literario.

-21:00 horas. Conferencia de Carlos Fernández, baixo o título “O home que disparaba contra os reloxios.”

-21:30 horas. Café-descanso de 10 minutos.

-20:40 horas. Presentación do ensaio Urda e Mundo, de Carlos Fernández e Anxo Rei Ballesteros, XXI Premio Ánxel Fole, Fundación Caixa Galicia.

Venres 13 de novembro

Museo Valle-Inclán d´A Pobra do Caramiñal:

-20:00 horas. Conferencia de Dolores Vilavedra, escritora e profesora de Literatura Galega na USC, que nos ofrecerá “Apuntes para unha contextualización de Dos anxos e dos mortos na narrativa galega contemporánea”.

-20:30 horas. Presentación da novela inédita de Anxo Rei Ballesteros A noite do moucho, coa presenza de Víctor Freixanes, director da Editorial Galaxia.

-21:00 horas. Café-descanso de 10 minutos.

-21:10 horas. Presentación do libro artesán titulado O resto é silencio, con gravados orixinais de Manuel Teira, editado por Barbantia e mais Colección Bourel que dirixe Antonio Piñeiro.

Casa de Raquel Soler d´A Pobra do Caramiñal:

-21:30 horas. Inauguración da exposición dos gravados realizados por Manuel Teira para o libro O resto é silencio.

Venres 20 de novembro

Museo Valle-Inclán d´A Pobra do Caramiñal:

-20:30 horas. Intervención de Manuel Lourenzo, actor, dramaturgo, director teatral e tradutor galego, coa conferencia Teatro como exploración.

-21:00 horas. Proxección dun documental sobre Anxo Rei Ballesteros realizado polos alumnos do IES d´A Pobra do Caramiñal.

-21:35 horas. Café-descanso de 10 minutos.

-21:45 horas. Mesa-coloquio ao redor da obra e da vida do noso amigo escritor moderada por Xesús Laíño, e na que participarán Carlos Santiago, Manolo Castelao, Jorge Sacido, Alberto Sacido, Manuel Teira e Andrés Esteban.

Venres 27 de novembro

Museo Valle-Inclán d´A Pobra do Caramiñal:

-20:30 horas. Presentación do V Anuario de Estudos do Barbanza (Anuario 2009), que será nesta ocasión un monográfico adicado ao noso amigo, escritor e socio co-fundador de Barbantia, Anxo Rei Ballesteros; coa presenza dos coordinadores do volume: Manuel Cartea e Román Arén.

-21:00 horas. Presentación do texto de Anxo Rei A flor da boca, editado por Barbantia e mais a Deputación Provincial d´A Coruña.

-21:30 horas. Entrega dos Premios Barbantia da Cultura 2009, acto que dirixirá e presentará Alberto Piñeiro, coordinador de Barbantia.

A Asociación Cultural Barbantia, o Concello de Lousame, o xornal La Voz De Galicia e Edicións Xerais presentan un novo número do tradicional suplemento cultural de finais de cada mes A Voz De Barbantia, así como a presentación do libro Sol de Inverno de Rosa Aneiros, gañadora do Premio Xerais de Novela, 2009.

O acto contará coa intervención da autora Rosa Aneiros, Agustín Agra, escritor e socio de Barbantia; Fran Alonso, en representación de Xerais; Santiago Freire, alcalde de Lousame; Teresa villaverde, Concelleira de cultura de Lousame e Xefa Territorial da Consellería de Educación. Terá lugar o venres, 30 de outubro, ás 20,30 h. na casa da cultura de Lousame.

A Asociación Cultural Barbantia, Edicións Xerais de Galicia e o Concello de Noia convidan á presentación do libro O recendo das mimosas, de Agustín Agra. O acto terá lugar na Casa da Cultura Antón Avilés de Taramancos de Noia, ás 20:30 horas do venres 16 de outubro, e nel estarán presentes o autor; Xosé Ricardo Losada, secretario da Asociación Cultural Barbantia; e Manuel Bragado, editor de Xerais.

A Asociación Cultural Barbantia, Edicións Xerais de Galicia e o Concello d´A Pobra do Caramiñal convidan á presentación do Premio Blanco Amor 2009, a novela de Luís Rei Núñez Monte Louro. No acto, que terá lugar no Museo Valle-Inclán d´A Pobra do Caramiñal o venres 26 de xuño ás 20:30 horas, estarán presentes o autor; o director de Edicións Xerais, Manuel Bragado; o escritor, profesor e crítico literario Armando Requeixo; a socia de Barbantia María Xesús Blanco; a concelleira de cultura, Encarna González; e o alcalde d´A Pobra do Caramiñal, Isaac Maceiras.

Barbantia, o Concello de Ribeira e tresCtres Editores convídanos á presentación do Dicionario Ramón Piñeiro do noso socio, Xoán Pastor Rodríguez Santamaría. Intervirán no acto, ademais do autor, o responsábel da editora Amancio Liñares Giraut, D. Xesús Laíño, membro de Barbantia, e José Luís Torres Colomer, Alcalde de Ribeira. Será este venres 8 de maio ás 21:00 h. no Auditorio Municipal de Ribeira.

A Asociación Cultural Barbantia, a Colección Bourel e o Concello de Noia convídanvos á celebración do IV Encontro de Creadores no Barbanza, que terá lugar o xoves 30 de abril no Coliseo Noela de Noia ás 21:00 horas.

PROGRAMA

21:00 horas: Intervención de Antón Riveiro Coello, presidente da Asociación Cultural Barbantia, coa que abrirá o IV Encontro de Creadores no Barbanza.
21:05 horas: Intervención de Antonio Piñeiro, director da Colección Bourel, responsable da edición artesá d´As voces da Musa.
21:10 horas: Recital cos poemas que aparecen no libro As voces da Musa, froito do Encontro, cuxos autores son: Eva Veiga, Ana Romaní, Antonio Piñeiro, Xabier L. Marqués, Xesús Rábade Paredes, Íria Gestoso, María do Cebreiro, Anxo Angueira e Helena Villar Janeiro.

*Durante o recital, iranse intercalando as actuacións de Xosé Luís Miranda, PePe Romero e Sonia Lebedynski, coas súas respectivas aportacións musicais, elaboradas ex profeso para o Encontro.

22:00 horas: Inauguración da exposición dos gravados que forman parte do proxecto, realizados polos seguintes pintores vinculados coa comarca: Alfonso Costa, Xoán Fernández, Manuel Ayaso, Paola García, Nacho C. Beiro, Baldo Ramos, Julio Catalán, Fran Blanco Alcaide e Manolo Figueiras.
22:15 horas: Peche institucional a cargo do alcalde de Noia, Rafael García Guerrero.

A Asociación Cultural Barbantia, La Voz de Galicia e o Concello de Noia convídante á presentación do libro de Xerardo Agrafoxo O violinista de Malá Strana. No acto, que terá lugar o venres 13 de marzo, ás 20:30 horas, no Coliseo Noela de Noia, estarán presentes o autor; a escritora Rosa Aneiros; o director da Editorial Galaxia, Víctor Freixanes; e o coordinador de Barbantia, Alberto Piñeiro. Contaremos, ademais, coa actuación do Grupo de Danzas Noela.

A Asociación Cultural Barbantia, a Editorial Galaxia, La Voz de Galicia e o Concello de Rianxo convídan á presentación do libro gañador do Premio García Barros 2008, Shakespeare destilado, de Xesús Constela. O acto terá lugar o venres 30 de xaneiro, ás 20:30 horas, no Auditorio de Rianxo, e estarán presentes o autor; o director da Editorial Galaxia, Víctor Freixanes; o presidente de Barbantia, Antón Riveiro Coello; e o alcalde de Rianxo, Pedro Piñeiro Hermida.

Con anterioridade ás 20 h. realizarase unha ofrenda no busto de Castelao, en comemoracion da data do seu nacemento.

O auditorio de Ribeira foi o escenario no que tivo lugar, o pasado sábado 29 de novembro, o acto de presentación do IV Anuario de Estudos do Barbanza, que edita a Asociación Cultural Barbantia. O libro recolle traballos dunha gran variedade de eidos temáticos, dende o cine ata etnografía, pasando pola tradución ao galego de autores inéditos na nosa lingua. Na mesa, presidida polo alcalde de Ribeira, José Luis Torres Colomer, estaban tamén presentes Luciano Fernández, concelleiro de cultura; Pastor Rodríguez, coordinador do Anuario; Milagros Torrado, directiva de Barbantia; e Alberto Piñeiro, coordinador da asociación.

Premios Barbantia da Cultura 2008

Ese mesmo mediodía, sen mudar de escenario, os socios de Barbantia asistimos á entrega dos “sirenos” de bronce, cos que nesta ocasión se premiou a Manuel Dourado, Premio Barbantia á Traxectoria Cultural no Barbanza; o Museo Etnográfico de Artes, Premio Barbantia á Iniciativa Cultural no Barbanza; e Alfonso Costa, Premio Barbantia da Cultura Galega 2008.