Barbantia

O luns 5 de decembro na Casa de Cultura “Ramón Martínez López”, Barbantia presentou o primeiro número do Anuario de Estudos do Barbanza, un dos obxectivos principais da asociación. Noticia. Se queres coñecer algo dos contidos preme aquí.

A Asociación Boirense de Empresarios distingue a Barbantia como mellor asociación do ano xusto cando está a piques de celebrar o seu primeiro aniversario coa edición do Anuario de Estudos do Barbanza. Noticia.

O sábado 26 de novembro, ás 19’30 h., na Casa de Cultura de Muros, Barbantia e La Voz de Galicia acudirán ao Concello de Muros para presentaren o nº 9 do seu suplemento A Voz de Barbantia. Así mesmo, farase a presentación da antoloxía bilingüe “Das sonorosas cordas” e poderemos asistir a un concerto da Orquestra de Cámara de Galicia.

O acto contará coa participación de Caridad González Cerviño, alcaldesa de Muros; Xosé Ramón Farinós, concelleiro de Cultura; Ramón Ares, Delegado de La Voz de Galicia; Olivia Rodríguez González, antóloga do libro; Estíbaliz Espinosa, poeta, e Antón Riveiro Coello, presidente de Barbantia.

Acabamos de pór en marcha o dosier de prensa de Barbantia onde recollemos as noticias reflictidas na prensa e que fan referencia á asociación. Podes acceder a el dende a sección Que é Barbantia?.

Barbantia propón o nome de tres rúas para tres figuras relevantes da cultura galega e cuns vínculos especiais co concello de Boiro: María Mariño, Manuel María e Borobó. A noticia vén recollida en La Voz de Galicia e o escritor Maxi Olariaga opina tamén do tema no seu artigo Dende Fóra

La voz de Galicia recolle a presentación da páxina web de Barbantia.

Mañán 5 de Novembro e dentro das Xornadas de Promoción do Audiovisual de Borio, vaise presentar a páxina web de Barbantia http://www.barbantia.org. O acto vai ser ás 12:00 no centro sociocultural de Boiro.